Wann wird mei bschtelltes Gwand versandfertig gmacht?

Aus logistische Gründ schaffat mir alls immer freitags ab. Mir hand so au no an Job und machat des Klamotta-Zuig bloß neabaher. Bschtellunge bis Freitagnamidag machat mir gleich Freitag/Samstag fertig. Wennd halt erscht am Montagobad bschtellsch, dann kriegsch dei Hääs halt erscht am kommenda Wocheend. Ab simma mal ehrlich: Wann braucht ma scho mal gaaaanz dringand an nua Pulli? Da hot no koina Kinder krigt, wenn a no an Tag warte hat miase. :)


Wia wird mei bschtelltes Hääs glieafrat?

Innerhalb vo Kempta und drumrum (so 10a Kilometr) lieafrat mir alls per Fahrrad. Jea nachdeam wod wonsch, kaas au sei, dass mit kobinierat und dir schnell vorbeifahrat. Entweadr d Anna odr d Steffen kommat dann bei dir vorbei.


Was dua i, wenns halt oifach it passt?

Ka au mal passiere. D arm isch zlang, d Bauch z dick. Es passt halt oifach it. Dann lasses uns wisse, mir schickat dir dann ganz ukompliziert a Retouraformular zua. Des kasch dann bei m DHL zeiga und dann koschts di au nix.
Aber i muas ehrlich sage: I hous au no it gmacht. Des probier ma ganz oifach. Da kommat ma scho zam. Zur Not hol mas wiedr bei dir ab und dei Geld krigsch natirlich auch wieder zruck.

Kontakt

Wennd suscht no a Frog hosch:

Schreib uns oifach über des Formular links detta. Mir versuachts alle reacht zum mache.